之前喺香港習慣左無薪OT，到左英國之後發現你叫英國人OT好似殺左佢父母咁。
話說平日HOBBS多數都係7:30關門，關門之後有半個鐘埋數同執返靚啲衫之後收工。本日關門時段有1個manager+1位同事+我留低執手尾。
有位客人差唔多關門先入黎揀suit，因為fitting需時，佢試到7:45果時我另一位同事已經面黑到爆炸，到左7:55我manager已經叫另一位同事走人先。呢位客人fitting完已經係8:15，當manager好感恩地收錢之際，有個外國遊客拍門話我聽日就飛，今日睇中條裙好中意，可否俾佢入黎買。
咁manager見個客咁有誠意要買，就開門俾佢入黎問佢係邊條裙，點知個客根本唔記得條裙乜樣，就開始周圍摷衫搵裙。摷左10mins，終於俾佢搵到，試埋收完錢，已經8:40。
個客走左之後個manager係咁同我say thank you，我正諗住係無薪OT之際我manager就話會計人工計多45mins。到關閘出到去個manager都係keep住係咁同我講thank you。果下真係有種"我好偉大"嘅feel。
唔知香港幾時先會有最高工時呢？
(呢張圖係我google返黎，每日收工前都要將啲衫由細size到大size排好，同埋衫同衫之間要保持even spacing。所以個遊客入黎摷返亂全部衫果時我見到manager反哂白眼)
本文歡迎轉載，但請註明出處。
如果喜歡這篇文章, 請LIKE或SHARE一下. Thank you!
沒有留言:
發佈留言